Channel News Asia បានផ្សាយថា៖ លោក Thomas Tuchel គ្រូបង្វឹករបស់ក្លិប Paris Saint-Germain បានច្រានចោលសំណួរផ្សេងៗជុំវិញអនាគតរបស់លោក ក្រោយពីការរងបរាជ័យក្នុងលទ្ធផល ២-១ នៅលើទឹកដីក្រុម RB Leipzig កាលពីថ្ងៃពុធ បានផ្តល់ការខកចិត្តដ៏ធំមួយលើការជឿជាក់ក្នុងក្របខ័ណ្ឌ Champions League របស់ក្រុមម្ចាស់ជើងឯករងកាលពីរដូវកាលមុនមួយនេះ។
គ្រាប់បាល់ប៉េណាល់ទីនៅតង់ទី២របស់ Emil Forsberg បានជួយឲ្យក្រុម Leipzig ដណ្តើមបានជ័យជម្នះក្នុងការប្រកួតពូល H របស់ពួកគេ ក្រោយពីកីឡាករ Christopher Nkunku បានរកគ្រាប់បាល់តាមស្មើគ្រាប់បាល់បើកឆាករបស់ Angel di Maria។ Di Maria បានស៊ុតបាល់ប៉េណាល់ដ៏សំខាន់១គ្រាប់មិនចូលទី ដើម្បីបន្ថែមការនាំមុខរបស់ក្រុមម្ចាស់ជើងឯកបារាំង PSG បើទោះបីពួកគេបានធ្វើដំណើរទៅកាន់ទឹកដីអាល្លឺម៉ង់ ដោយគ្មានទាំងខ្សែប្រយុទ្ធ Neymar និង Kylian Mbappe ដោយសារតែរបួសក៏ដោយ ហើយពួគគេបានបញ្ចប់ការប្រកួតរបស់ខ្លួនជាមួយនឹងសមាជិក៩នាក់ ក្រោយពីការរងពិន័យកាតក្រហមរបស់កីឡាករ Idrissa Gana Gueye និង Presnel Kimpembe។
នេះគឺជាការរងបរាជ័យដ៏អាម៉ាសសម្រាប់ក្រុម PSG ដែលបានផ្តួលក្រុម Leipzig ៣-០ ក្នុងការប្រកួតវគ្គពាក់កណ្តាលផ្តាច់ព្រ័ត្រនៃយុទ្ធនាការនេះកាលពីរដូវកាលមុនក្នុងទីក្រុង Lisbon កាលពីខែសីហា។ នៅពេលដែលត្រូវបានចោទសួរដោយទូរទស្សន៍បារាំង RMC Sport ថា តើលោកមានអារម្មណ៍ថា តំណែងរបស់លោកស្ថិតក្នុងហានិភ័យ ស្របពេលដែលមានព័ត៌មានលេចឮថា លោកមិនមានភាពស៊ីសង្វាក់គ្នាជាមួយនឹងប្រធានផ្នែកកីឡាលោក Leonardo ឬយ៉ាងណា លោក Tuchel បានឆ្លើយដ៏សាមញ្ញថា៖ «អត់ទេ»៕
វីដេអូប្រកួត Highlight ៖
ប្រែសម្រួលដោយ៖ Cambod Sports
No comments:
Post a Comment