Ramos ធ្វើឲ្យខូចបាល់ពិន័យ១១ម៉ែត្រ២គ្រាប់ លទ្ធផលបានត្រឹមស្មើអេស្ប៉ាញ

 

Sergio Ramos បានខកខានរកគ្រាប់បាល់ដោយការទាត់ពិន័យ១១ម៉ែត្រចំនួន ២លើកពោលគឺនៅ​នាទី​ទី​៥៧ និង ៨០ក្នុងការ​ប្រកួតពានរង្វាន់ Nations League កាលពីយប់ថ្ងៃសៅរ៏ក្នុងជំនួបលទ្ធផល​ស្មើ​គ្នា​១ទល់និង១​រវាង​អេស្បាញ​និង ស្វីស។ទោះយ៉ាងណាប្រធានក្រុមវ័យ៣៤ឆ្នាំរូបនេះ បានក្លាយជា​កីឡា​ករដែលបង្ហាញខ្លួន​ចូលលេង អោយ​អោយជម្រើស​​​ជាតិបានច្រើនបំផុតក្នុងប្រវត្តិសាស្រ្ត។

មានន័យថាខ្សែការពារកណ្តាលរបស់ក្រុមអធិរាជសReal Madridរូបនេះបង្ហាញខ្លួនសរុប បាន១៧៧ ប្រកួតដោយបានឈ្នះលើកំនត់ត្រាអតីតអ្នកចាំទីអន្តរជាតិអ៊ីតាលី Gianluigi Buffon ដែលមានត្រឹមតែ ១៧៦ប្រកួតនោះ ។ទោះបីជាធ្លាប់បានសាងកំនត់ត្រាស៊ុតបាល់ពិន័យ១១ម៉ែត្របញ្ចូលទីចំនួន ២៥ ដង​ចុងក្រោយគិតចាប់តាំងពីខែឧសភា២០១៨កន្លងទៅសម្រាប់ អេស្ប៉ាញនិង Real Madrid តែការប៉ុន​ប៉ង​ទាំង២លើកក្នុងការប្រកួតនេះ​ត្រូវ​បាន​រា​រាំង​ដោយអ្នកចាំទី Sommer របស់ក្រុមជម្រើស​ជាតិស្វីស​។

អ្នកចំាទីក្រុម Monchengladbach បានប្រាប់ទូរទស្សន៍ SRF របស់ស្វីសក្រោយការប្រកួតថាៈ ខ្ញុំធ្លាប់ជួបប្រកួត ជាមួយ Ramos នៅ Champions League នាពេលថ្មីៗនេះដូច្នេះ​មានន័យថាខ្ញុំធ្លាប់​បាន​ដឹងពីបច្ចេកទេសនៃការទាត់បាល់ពិន័យ១១ម៉ែត្ររបស់គាត់៕

ប្រភពពី៖ BBC