កីឡាករ N’Golo Kante បានរកគ្រាប់បាល់តែ១គ្រាប់បន្ទាប់ពីការស៊ុតរបស់ខ្សែបម្រើ Adrien Rabiot តែអ្នកចាំទី Rui Patricio សង្គ្រោះបាល់មិនបានល្អនៅនាទីទី៥៣។លទ្ធផលនេះបានរក្សារហូតដល់ចប់ការ ប្រកួតនាំក្រុមមាន់គកបារាំងទទួលបានជ័យជំនះលើក្រុមជម្រើសជាតិព័រទុយហ្កាល់នៅក្នុងការប្រកួតក្របខ័ណ្ឌពាន រង្ងាន់ Nations League កាលពីយប់ថ្ងៃសៅរ៍ទី១៤វិច្ឆិកាដើម្បីកក់កៅអីរបស់ពួកគេនៅជុំផ្តាច់ព្រ័ត្រ។
ប្រធានក្រុម Cristiano Ronaldo ដែលត្រូវការគ្រាប់បាល់ ៧គ្រាប់ទៀតដើម្បីតាមទាន់កំនត់ត្រាអ្នក ស៊ុតបាល់បញ្ចូលទីច្រើនបំផុតអោយក្រុមជម្រើសជាតិ គឺកីឡាករអ៊ីរ៉ង់ Ali Daei បានខកខានឪកាសរកគ្រាប់បាល់នៅតង់ទីមួយដោយតែតបាល់លើរបាទី។ សម្រាប់ខ្សែបម្រើកណ្តាលរបស់ក្រុមតោខៀវ Chelsea បាននវិលត្រលប់មកបង្ហាញខ្លួនក្នុងជម្រើស១១នាក់ដំបូងបន្ទាប់ពីលេងក្នុងនាមកីឡាករបម្រុងក្នុងពេលបរាជ័យការប្រកួតមិត្តភាពជាមួយហ្វាំងឡង់។រីឯខ្សែប្រយុទ្ធ Anthony Martial របស់ក្រុមបិសាចក្រហម Manchester United ព្យាយាមរកគ្រាប់បាល់ទី២តែបាល់បានហើរំលងរបាទី។ ទោះយ៉ាងណាខ្សែការពារព័រទុយហ្កាល់កីឡាករ Jose Fonte ព្យាយាមវាយបកតាមស្មើតែការទាត់បាល់បានប៉ះបង្គោលទីនៅតង់ទី ២ ផងដែរ។
លទ្ធផលនេះមានន័យថាបារាំងឡើងទៅឈរនៅលើកំពូលតារាងពូលA៣ ដោយនៅសល់ ១ ប្រកួតទៀតខណៈស៊ុយអែតផ្តួលក្រូអាតក្នុងលទ្ធផល២ទល់និង១ មានន័យថាពួកគេនៅមាន១ប្រកួតទៀតដើម្បីគេចចេញពីការធ្លាក់៕
No comments:
Post a Comment