កំណត់ត្រា Clean Sheet របស់ Chelsea ក្នុង ១០ ប្រកួតចុងក្រោយសម្រាប់រដូវកាលថ្មីនេះ

ប្រព័ន្ធការពាររបស់តោខៀវមានភាពរីកចម្រើនឡើង ហើយយើងបានឃើញយ៉ាងច្បាស់តាមរយៈការប្រកួតកាលពីយប់ថ្ងៃពុធ ម្សិលមិញ។ ក្នុងការប្រកួតក្របខណ្ឌ Champions League តោខៀវ Chelsea បានរយកឈ្នះ ក្លឹប Rennes។ នេះបង្ហាញអោយឃើញពីភាពរឹងមាំនៃប្រព័ន្ធការពាររបស់ Chelsea។

Chelsea បានឈ្នះ Rennes ដែលជាក្លឹបមកពី League 1 ៣-០។ បច្ចុប្បន្ននេះ Chelsea កំពុងឈរលេខរៀងទីមួយក្នុងពូល នៃក្របខណ្ឌ Champion League ដោយមានប្រាំពីរពិន្ទុរក្នុងដៃ។ ជាថ្មីម្តងទៀត ប្រព័ន្ធការពាររបស់ Chelsea មានភាពរឹងមាំ នេះក៏ដោយសារតែការរិះគន់កាលពីដើមរដូវកាលធ្វើអោយក្លឹបគិតកែទម្រង់ប្រព័ន្ធការពារដែរ។

Chelsea ស៊ុតចូលបាន ១១ គ្រាប់ក្នុង ៥ ប្រកួតចុងក្រោយរបស់ពួកគេ ក្នុង Premier League មានមនុស្សជាច្រើនសង្ស័យលើប្រព័ន្ធការពាររបស់ Chelsea កាលពីចាប់ផ្តើមការប្រកួតដំបូងៗក្នុងរដូវកាលថ្មីនេះ។ រហូតមកដល់ពេលនេះ Chelsea ធ្វើបាន clean sheet ៥ ប្រកួតជាប់គ្នាហើយ មានន័យថា មិនទាន់មានក្រុមណាស៊ុតចូល Chelsea ឡើយ។ លទ្ធផលល្អទាំងប្រាំប្រកួតជាប់គ្នានេះបានជម្រះភាពសង្ស័យរបស់មនុស្សជាច្រើនទៅលើប្រព័ន្ធការពាររបស់ Chelsea។

កាលពីឆ្នាំ ២០១០ Chelsea ក៏ធ្វើបាន clean sheet បានប្រាំប្រកួតជាប់គ្នាដែរ កាលនោះដឹកនាំដោយលោក Carlo Ancelotti។ រដូវកាលនេះ Chelsea ក៏ធ្វើបានដូចគ្នា ក្រោយការដឹកនាំរបស់លោក Lampard។ Chelsea ក៏ធ្វើបានកំណត់ត្រាមួយទៀតនៅ Champions League គឺបីប្រកួតហើយដែលមិនមានក្រុមណាស៊ុតចូល Chelsea។ នេះគឺជាកំណត់ត្រាលើកដំបូងតាំងពីរដូវកាល ២០០៩-២០១០ មក។

គួរបញ្ជាក់ផងដែរថាប្រព័ន្ធការពាររបស់ Chelsea មានភាពរឹងមាំឡើង គឺស្របគ្នានឹងការមករបស់អ្នកចាំទីគឺ កីឡាករ Edouard Mendy។ អ្នកចាំទីរូបនេះ ភ្លាត់អោយគេស៊ុតចូលតែមួយគ្រាប់ប៉ុណ្ណោះសម្រាប់ប្រាំពីរប្រកួត តាំងពីគាត់មកលេងជាមួយ Chelsea។

ខណៈពេលដែលប្រព័ន្ធការពារឡើងជើង ប្រព័ន្ធប្រយុទ្ធរបស់ Chelsea ក៏នៅតែមានភាពខ្លាំងខ្លាដដែល ដោយក្លឹបមានជើងស៊ុតជាច្រើន ដូចជា Timo Werner, Tammy Abraham, Giroud, Havertz និងកីឡាករជាច្រើនទៀត។

ប្រភព: Goal