កីឡាករ Luis Suarez របស់ក្លិប Atletico Madrid បានប្រាប់ថាខ្លួនរីករាយស្វាគមន៍អតីតមិត្តរួមក្រុមនិងជាមិត្តភ័ក្រ្តដ៏ជិតស្និទបំផុតក្នុងជីវិតឯកជនដោយដៃទាំងទ្វេរ។ការលើកឡើងរបស់Suarezគឺគ្មាននរណាក្រៅពី Lionel Mess i ដែលរូបគេបង្ហាញក្តីស្រម៉ៃចង់លេងរួមគ្នាសាជាថ្មីម្តងទៀតនៅកីឡាដ្ឋាន Wanda Metropolitano របស់ក្រុម At.Madrid យោងគេហទំព័រ AS បានចុះផ្សាយ។
ខ្សែប្រយុទ្ធជើងសញ្ជាតិអ៊ុយរូហ្គាយរូបនេះបានចាកចេញពី Barcelona ក្នុងកាលៈទេសៈដ៏ច្របូកច្របល់មួយកាលពីដើមរដូវកាលនេះស្របពេល Messi ក៏ស្ទើរតែចាកចេញពីទឹកដី Camp Nou ផងដែរនោះ។ ទីបំផុត Messi បានបន្តលេងអោយ Barcelona ហើយបានដើរតួយ៉ាងសំខាន់សម្រាប់ក្រុមយក្សកាតាឡាន់ម្តងទៀតនៅរដូវកាលនេះប៉ុន្តែ Suarez សារភាពថារូបគេចង់បញ្ចុះបញ្ចូល Messi ដើម្បីផ្លាស់មកលេងរួមគ្នា ប្រសិនម្ចាស់ពានបាល់មាស៦សម័យវ័យ ៣៣ ឆ្នាំរូបនេះពិតជាសម្លឹងរកឪកាសចាកចេញជាថ្មីនោះ។
នៅសប្តាហ៏នេះផងដែរប្តូរចូលក្នុងនាមកីឡាករបម្រុងនៅតង់ទី២ប៉ុន្តែកំពូលខ្សែប្រយុទ្ធ Lionel Messi បានជួយអោយ Barcelona ផ្តួលក្រុមភ្ញៀវ Real Betis ដើម្បីរកឃើញជ័យជំនះនៅក្របខណ្ឌ La Liga ជាលើកដំបូងក្នុង ៥ ប្រកួតចុងក្រោយកាលពីយប់ថ្ងៃសៅរ៏ម្សិលមិញនេះផងដែរ៕
ប្រភពព័ត៍មាន៖ AS
No comments:
Post a Comment