ការដក់ឈ្មោះរបស់តារាឆ្នើមដែលបានឈ្នះពាន World Cup ជាមួយនឹងក្រុមជម្រើសជាតិបារាំងរូបនេះ គឺជាការខកចិត្តដ៏ធំមួយសម្រាប់ក្រុម PSG ស្របពេលដែល Neymar និង Mauro Icardi អវត្តមានរួចជាស្រេចសម្រាប់ការប្រកួតនៅរាត្រីថ្ងៃពុធនេះនៅអាល្លឺម៉ង់។ ក្រុមរបស់លោក Thomas Tuchel នឹងត្រូវប៉ះជាមួយនឹងក្រុម Leipzig ក្នុងការប្រកួតពូល H ក្រោយពីចាញ់ក្រុម Manchester United ក្នុងការប្រកួតបើកឆាកក្នុងពូលរបស់ខ្លួន។ Mbappe បានស៊ុតបាល់ប៉េណាល់ទី១គ្រាប់ ក្នុងពេលក្រុមខ្លួនបានទទួលជ័យជម្នះលើក្រុម Nantes ក្ននុងការប្រកួតលីកក្នុងស្រុកកាលពីថ្ងៃសៅរ៍ នៅមុនពេលត្រូវបានប្តូរចេញ និងធ្វើដំណើរទៅកាន់បន្ទប់ផ្លាស់ប្តូរសម្លៀកបំពាក់ ដោយសារតែបញ្ហារបួសសរសៃពួរគន្លាក់ជើង។
នៅពេលនោះ លោក Tuchel មិនបានសម្តែងពីការខ្វល់ខ្វាយទៅលើភាពរឹងមាំរបស់តារាឆ្នើមវ័យ២១ឆ្នាំរូបនេះ សម្រាប់ការប្រកួតជាមួយនឹងក្រុម Leipzig ឡើយ។ ក្រោយពីបានទទួលជ័យជម្នះ ៣-០ អ្នកចាត់ការទូទៅរបស់ក្រុម PSG រូបនេះបានបញ្ជាក់ថា៖ «វាគ្រាន់តែជាបញ្ហាអស់កម្លាំងប៉ុណ្ណោះ។ វាមិនមែនជាបញ្ហារបួសឡើយ»។ ប៉ុន្តែ ការតេស្តសុខភាពបានបង្ហាញថា កីឡាកររូបនេះកំពុងតែមានបញ្ហារបួសសាច់ដៃជើងស្តាំរបស់គេ»៕
No comments:
Post a Comment