Mohamed Salah និង Mohamed Elneny នឹងវិលត្រឡប់មកអង់គ្លេសវិញនៅថ្ងៃសុក្រនេះ ទោះបីមានការធ្វើតេស្តវិជ្ជមាន Covid-19 ក៏ដោយ

 

យោងតាម Mirror ដែលបានចុះផ្សាយកាលពីម្សិលមិញបញ្ជាក់ថា Mo Salah និង Mohamed Elneny បានឆ្លងវីរុសកូវីដ១៩ ខណៈពេលកំពុងបំពេញកាតព្វកិច្ចអន្តរជាតិប៉ុន្តែនៅតែវិលត្រឡប់ទៅចក្រភពអង់គ្លេសវិញនៅថ្ងៃសុក្រនេះ ទោះបីជាមិនមានការប្រកួតសម្រាប់ Liverpool និង Arsenal រៀងៗខ្លួនក៏ដោយ។

យោងតាម សហព័ន្ធអេហ្ស៊ីបបានឱ្យដឹងថាលោក Mohamed Salah នឹងធ្វើដំណើរត្រឡប់ទៅចក្រភពអង់គ្លេសវិញនៅថ្ងៃសុក្រនេះ។

ប៉ុន្តែរឿងនោះនៅតែមិនទាន់ច្បាស់ថាគាត់អាចលេងឱ្យ Liverpool នៅកំពូលតារាងប៉ះជាមួយ Leicester នៅចុងសប្តាហ៍នេះ។

អង្គភាពគ្រប់គ្រងការប្រកួតនៅក្នុងប្រទេសកំណើតរបស់ Salah បានចេញសេចក្តីថ្លែងការណ៍មួយកាលពីយប់មិញដោយបង្ហាញថាតារាហង្សក្រហមនឹងហោះហើរទៅកាន់ទីក្រុងឡុងដ៍នៅថ្ងៃសុក្ររួមជាមួយនឹងខ្សែបម្រើ Mohamed Elneny របស់ក្លិប Arsenal នៅក្នុងយន្តហោះឯកជនដែលបានរៀបចំយ៉ាងពិសេសដែលនឹងរក្សាភាពឯកោរបស់គាត់។

ហើយសហព័ន្ធអេហ្ស៊ីបបានបញ្ជាក់យ៉ាងច្បាស់ថា Salah មិនទាន់បានធ្វើតេស្តិ៍អវិជ្ជមាននៅឡើយទេខណៈដែលការធ្វើតេស្ដ៍បីដងក្នុងមួយសប្តាហ៍កន្លងមកនេះបានបង្ហាញថាគាត់មាន Covid-19 បន្ទាប់ពីធ្វើដំណើរត្រលប់មកផ្ទះវិញសម្រាប់កាតព្វកិច្ចអន្តរជាតិ។