ខ្សែប្រយុទ្ធ Ferran Torres បានស៊ុតបាល់បញ្ចូលទី៣គ្រាប់ ខណៈដែលក្រុមបាល់ទាត់ជម្រើសជាតិបារាំង បានធ្វើឲ្យក្រុមជម្រើសជាតិអាល្លឺម៉ង់ ភ្លក្សរសជាតិនៃការរងបរាជ័យដ៏ធំបំផុតក្នុងរយៈពេល៨៩ឆ្នាំ កាលពីថ្ងៃអង្គារ តាមរយៈការដណ្តើមបានជ័យជម្នះ ៦-០ ក្នុងទីក្រុង Seville ដើម្បីឈ្នះកៅអីទៅលេងក្នុងយុទ្ធនាការ UEFA Nations League ជុំផ្តាច់ព្រ័ត្រ និងចូលរួមជាមួយនឹងក្រុមបារាំង ដែលបានវាយបកតាមពីក្រោយដើម្បីផ្តួលក្រុមជម្រើសជាតិស្វ៊ីស ៤-២។
ខ្សែប្រយុទ្ធ Torres របស់ក្លិប Manchester City បានក្លាយជាវីរបុរសរបស់អេស្ប៉ាញ ដែលបានបង្ហាញពីទម្រង់លេងយ៉ាងល្អ ខណៈដែលក្រុមជម្រើសជាតិអាល្លឺម៉ង់ បានបង្ហាញពីភាពទន់ខ្សោយរបស់ខ្លួនដ៏គួរឲ្យកត់សម្គាល់។ លទ្ធផលនេះ នាំឲ្យមានការចោទជាសំណួរផ្សេងៗពីគ្រូបង្វឹកនៃក្រុមបាល់ទាត់ជម្រើសជាតិអាល្លឺម៉ង់លោក Joachim Loew ដែលបានស្ថិតក្រោមសម្ពាធរួចជាស្រេច មុននឹងឈានទៅកាន់ការប្រកួតនេះ។ ក្រោយពីអាល្លឺម៉ង់ បានរងបរាជ័យដ៏ធំផុត បើគិតចាប់តាំងពីចាញ់អូទ្រីស ៦-០ ក្នុងឆ្នាំ១៩៣១ លោក Loew បានទទួលស្គាល់ថា៖ «នេះគឺជាថ្ងៃដ៏ខ្មៅងងឹតសម្រាប់យើង»។
បច្ចុប្បន្ន អាល្លឺម៉ង់ នៅសល់រយៈពេលជាច្រើនខែទៀត ដើម្បីស្តារមុខមាត់ពីការចាញ់របស់គេ នៅមុនពេលចាប់ផ្តើមការប្រកួតជម្រុះ World Cup ឆ្នាំ២០២២ នៅខែមីនា ហើយបន្ទាប់មកពីការប្រកួត Euro ឆ្នាំ២០២០ នៅខែមិថុនា និងកក្កដា៕
ប្រភពពី៖ Channel News Asia
No comments:
Post a Comment